ᑭᓱᓕᕆᔩᑦ ᐊᒻᒪᓗ ᐱᔨᑦᑎᕋᕐᓂᖏᑦ

ᐃᖅᑲᓇᐃᔭᕐᓂᒻᒨᖓᓂᐅᔪᑦ --- ᐃᖅᑲᓇᐃᔭᕐᓂᕐᒨᖓᔪᑦ ᓈᒻᒪᒃᑲᓗᐊᕐᒪᖔᑕ ᒪᓕᑦᑕᐅᑦᓯᐊᒐᓗᐊᕐᒪᖔᑕ ᑭᓱᓕᕆᔨᐅᖕᒪᖔᑕᓗ ᐱᓕᕆᕝᕕᒃ

ᐱᓕᕆᐊᒋᕙᑦᑕᖏᑦ ᐃᖅᑲᓇᐃᔭᕐᓂᕐᒨᖓᔪᑦ ᓈᒻᒪᒃᑲᓗᐊᕐᒪᖔᑕ ᒪᓕᑦᑕᐅᑦᓯᐊᒐᓗᐊᕐᒪᖔᑕᓗ ᑭᓱᓕᕆᔨᐅᖕᒪᖔᑕ ᐱᓕᕆᕝᕕᒃ

ᐅᓇ ᐱᓕᕆᕝᕕᒃ ᐃᓚᒋᔭᐅᔪᖅ ᒪᓕᒐᓕᕆᔨᒃᑯᓐᓂ. ᐱᖁᔭᕐᓂᑦ ᐃᖅᑲᓇᐃᔭᕐᓂᒻᒨᖓᔪᓂᑦ ᐱᓕᕆᐊᖃᓪᓚᕆᑉᐸᑦᑐᖅ ᐊᐅᓚᓂᕆᔭᖏᑦ ᑲᒪᒋᔭᐅᑦᓯᐊᕋᓗᐊᕐᒪᖔᑕ. ᐱᖁᔭᑦ ᒪᓕᑦᑕᒃᓴᐅᔪᓂᑦ ᓈᒻᒪᑐᐃᓐᓇᕐᑐᓂᑦ ᐃᖅᑲᓇᐃᔮᒃᓴᓕᕆᓂᕐᒧᑦ ᐃᖅᑲᓇᐃᔭᖅᑎᓄᑦ. ᐃᖅᑲᓇᐃᔭᕐᓂᕐᒨᖓᔪᓕᕆᔨ ᐃᑲᔪᕐᐸᑦᑐᖅ ᐱᓕᕆᐊᕆᔭᖕᒥᑎᒍ ᐅᑯᓇᖓᑦ:

ᓈᒻᒪᒋᔭᐅᖏᑦᑐᓂᑦ

ᐱᓕᕆᐊᕆᒍᒪᓂᕐᒥᓄᑦ ᐊᒻᒪᓗ ᖃᐅᔨᓴᒋᐊᒃᑲᓐᓂᕐᓗᓂ ᐅᖃᐅᓯᐅᓯᒪᔪᑦ ᐱᕋᔭᑕᐅᓯᒪᐸᑕᓪᓘᓐᓃᑦ ᐊᖅᑭᖅᑕᐅᓯᒪᔪᓂ ᐃᖅᑲᓇᐃᔭᕐᓂᒻᒨᖓᔫᑉ ᐱᖁᔭᖏᓐᓂᑦ.

ᐱᔪᓐᓇᐅᑏᑦ

ᑭᓱᑐᐃᓐᓇᕐᒧᑦ ᑐᑦᓯᕋᐅᑎᓂᑦ ᐊᖏᖅᑕᐅᖏᑦᑐᓪᓗ ᐱᔪᓐᓇᐅᑏᑦ. ᐃᖅᑲᓇᐃᔭᕐᑏᑦ ᐃᑲᕐᕋᖏᑦ ᓂᑲᒋᓗᒋ.

ᑭᓐᖑᒪᒋᔭᖃᖅᑐᖃᕐᐸᑦ

ᐋᑕᐅᔪᓂᑦ ᑭᐅᖃᑦᑕᕐᓗᓂᓗ ᑐᒃᓯᕌᖃᕐᑐᖃᖅᐸᑦ ᐃᖅᑲᓇᐃᔭᖅᑏᑦ ᑐᑭᓯᒋᐊᒍᒪᒍᑎ ᐃᖅᑲᓇᐃᔭᖅᑎᓂᑦ, ᐃᖅᑲᓇᐃᔭᕐᕕᐅᔪᓂᑦ, ᐊᒻᒪᓗ ᓯᓐᓈᖅᑎᖏᓐᓂᑦ

ᑐᓴᐅᒪᑎᑦᑎᓂ

ᑐᓴᐅᒪᑎᑦᑎᓗᓂ ᐊᖅᑭᒋᐊᕐᑕᐅᑉᐸᑕ ᒪᓕᒐᕐᓃᖔᕐᑐᑦ ᒪᓕᒃᑕᐅᔪᒃᓴᓪᓗ ᐃᖅᑲᓇᐃᔭᕐᑎᓄᑦ/ᐃᖅᑲᓇᐃᔭᕐᕕᓐᓄᑦ ᐊᒻᒪᓗ ᐃᓄᓕᒫᓄᑦ.

ᖃᐅᔨᓴᕐᓗᓂ

ᖃᐅᔨᓴᖃᑦᑕᕐᓗᓂ ᑮᓇᐅᔭᕐᑖᕈᑎᒥᓂᐅᔪᓂᑦ ᐃᖅᑲᓇᐃᔭᕐᑏᑦ ᐃᓚᓕᐅᑎᓯᒪᔪᓂᑦ ᑮᓇᐅᔭᖅᑖᕆᕙᑦᑕᖏᑕ ᐱᑎᑕᐅᑦᓯᐊᖃᑦᑕᕋᓗᐊᕐᒪᖔᑕ ᐱᖁᔭᐃᑦ ᐃᖅᑲᓇᐃᔭᕐᓂᒻᒨᖓᔪᑦ ᒪᓕᑦᑕᐅᓗᑎ.

ᐃᓚᖏᑦ ᐱᓕᕆᐊᕆᕙᑦᑕᖏᑦ

ᐃᑲᔪᖅᑎᒋᔭᐅᓗᓂ ᐱᓕᕆᐊᕆᔭᐅᑦᓯᐊᕋᓗᐊᕐᒪᖔᑕ

  • ᓯᒃᑭᑖᕆᔭᐅᔭᕆᐊᓕᒥᓃᑦ ᐅᑎᖅᑎᑕᐅᑎᓪᓗᒋ ᐱᖁᔭᑦ
  • ᐃᖅᑲᓇᐃᔭᖅᑐᓕᕆᔨᒃᑯᑦ ᐱᖁᔭᑦ

ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᑲᑎᒪᔨᖏᑦ - Labour Standards Board

ᐅᑯᐊ ᑲᑎᒪᔨᐅᔪᑦ ᑎᒃᑯᐊᖅᑕᐅᓯᒪᔪᑦ ᒪᓕᒐᓕᕆᔨᐅᑉ ᒥᓂᔅᑕᖓᓐᓄᑦ; ᑲᑎᒪᔩᑦ ᐱᔭᒃᓴᖃᐅᕐᒪᑕ ᓈᓚᖃᑦᑕᕐᓗᑎ ᐅᓐᓂᓪᓘᑕᐅᔪᓂᑦ ᐃᓱᒪᓕᐅᕈᑎᒥᓂᐅᔪᑦ ᐃᖅᑲᓇᐃᔭᖅᑐᓕᕆᔨᒃᑯᑦ ᐃᖅᑲᓇᐃᔭᖅᑎᖓᓐᓄᑦ.

ᑭᒃᑯᓐᓄᑦ ᐱᔨᑦᓯᕋᕐᑎᐅᕕᑕ?     

ᐱᖁᔭᕐᓂᑦ ᐃᖅᑲᓇᐃᔭᕐᓂᒻᒨᖓᔪᑦ ᐊᑐᐃᓐᓇᐅᑎᑕᐅᔪᑦ ᓄᓇᕗᒻᒥᑦ ᐃᖅᑲᓇᐃᔭᕐᕕᓐᓄᑦ ᐃᖅᑲᓇᐃᔭᖅᑎᓄᓪᓗ ᐅᑯᐊ ᐊᔾᔨᐅᖏᒃᑲᓗᐊᖅᓱᑎ ᐃᖃᓪᓕᐊᖅᑎᐅᕙᑦᑐᑦ ᐅᒥᐊᕐᔪᐊᕐᒥᑦ ᐊᒻᒪᓗ ᒥᑭᒋᐊᖅᑎᐅᔪᓄᑦ ᓂᐅᕕᒃᓴᖃᓲᓄᑦ ᐅᓄᒃᑑᑎᓂᑦ. ᐅᕝᕙᓘᓐᓃᑦ ᐃᓚᒋᔭᐅᕙᑦᑐᑦ/ᐃᓕᓐᓂᐊᖅᑏᑦ ᐱᓕᕆᐊᖃᖅᑐᓂᑦ ᓇᓗᓇᐃᖅᑕᐅᓯᒪᓪᓗᑎᑦ ᒪᓕᑦᑕᐅᔭᕆᐊᓕᖕᓂᑦ ᐱᓕᕆᐊᒃᓴᓪᓚᕆᐅᓂᕐᒥᑦ.

ᐃᓘᓐᓇᐃᓄᑦ ᐊᖏᖃᑎᒌᒍᑕᐅᓯᒪᔪᑦ

ᐃᖅᑲᓇᐃᔭᖅᑏᑦ ᐃᓘᓐᓇᐃᓄᑦ ᐊᖏᖃᑎᒌᒍᑕᐅᓯᒪᔪᓂᑦ ᐃᓚᒋᔭᐅᑎᓪᓗᒋᑦ ᐅᓐᓂᕐᓘᑎᖃᖅᐸᑎᒃ ᓯᕗᒧᐊᖅᑎᑦᑎᓗᑎᑦ ᐅᓐᓂᕐᓗᑎᖄᒋᐊᖃᒐᔭᖅᑐᑦ ᐊᐅᓚᓂᕆᔭᐅᔪᓂᑦ ᒪᓕᓪᓗᒋᑦ ᐅᕘᓈᑦᑕᐅᑎᒋᖏᓪᓗᑎᑦ ᐃᖅᑲᓇᐃᔭᕐᓂᕐᒨᖓᔪᑦ ᐱᖁᔭᖓᑎᒍᑦ (ᖃᐅᔨᒪᑎᑦᓯᒋᐊᒃᑲᓐᓂᕐᓗᑎᑦ ᐃᓘᓐᓇᐃᓄᑦ ᐊᖏᖃᑎᒌᒍᑕᐅᓯᒪᔪᑦ ᐃᓚᒃᑯᓂᑦ ᐃᓚᒋᐊᖅᓯᔪᓐᓇᖏᒻᒪᑕ ᐅᕙᓂ ᑲᒪᒋᔭᒥᓂᐅᒍᓂ ᓇᓗᓇᐃᖅᑕᐅᓯᒪᔪᑦ ᐃᖅᑲᓇᐃᔭᕐᓂᕐᒨᖓᔪᑦ ᐱᖁᔭᖓᑎᒍᑦ).

ᒐᕙᒪᑐᖃᒃᑯᓐᓂᑦ ᑲᒪᒋᔭᐅᔪᓐᓇᖅᑐᑦ  

ᐃᖅᑲᓇᐃᔭᖅᑏᑦ ᐃᖅᑲᓇᔭᕐᕖᓪᓗ ᒐᕙᒪᑐᖃᒃᑯᑦ ᑲᒪᒋᔭᐅᔪᓐᓇᕐᓂᖏᓐᓄᑦ ᑲᓇᑕᒥᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᒪᓕᒐᖓᓐᓂᑦ ᑲᒪᒋᔭᐅᔭᕆᐊᓖᑦ. ᑐᑭᓯᒋᐊᒃᑲᓐᓂᕈᒪᒍᕕᑦ ᐃᖅᑲᓇᐃᔭᖅᑏᑦ ᐱᕙᓪᓕᐊᔪᓕᕆᔩᓪᓗ ᑲᓇᑕᒥ, ᐃᖅᑲᓇᐃᔭᕐᓂᕐᒨᖓᔪᑦ ᐊᑐᐊᒐᐃᑦ ᐃᑭᐊᖅᑭᕕᖓᓐᓄᑦ: WWW.LABOUR.GC.CA ᐃᖅᑲᓇᐃᔭᕐᑏᑦ ᐃᓘᓐᓇᐃᓂᑦ ᐊᖏᖃᑎᒌᕐᓂᒃᑯᑦ ᒪᓕᒋᐊᖃᕈᑎᖃᕐᒪᑕ ᐅᓐᓂᕐᓘᑕᐅᔪᕐᓇᑑᑉ ᐃᓕᖅᑯᓯᖏᓐᓂᑦ ᐊᖏᖃᑎᒌᒍᑕᐅᓯᒪᔪᓐᓄᑦ ᐅᕘᓈᖔᖏᓪᓗᑎᑦ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᖏᑎᒍᑦ (ᐃᖅᑲᐃᑎᒋᐊᕈᑎ ᐊᖏᖃᑎᒌᒍᑕᐅᓯᒪᔪᑦ ᐃᒫᑦ ᐱᓐᖏᓂᖅᓴᐅᓂᕐᒥᑦ ᐅᑯᐊ ᐃᖅᑲᓇᐃᔭᕐᓂᕐᒨᖓᔪᓄᑦ ᓈᒻᒪᒃᑲᓗᐊᕐᒪᖔᑎᑦ ᐱᖁᔭᖏᑕ ᓴᓂᐊᓂ).

ᑐᑭᓯᒋᐊᒃᑲᓐᓂᕈᒪᒍᕕᑦ:

ᐃᖅᑲᓇᐃᔭᕐᓂᕐᒨᖓᔪᑦ ᓈᒻᒪᒃᑲᓗᐊᕐᒪᖔᑕ ᒪᓕᑦᑕᐅᑦᓯᐊᒐᓗᐊᕐᒪᖔᑕᓗ ᑭᓱᓕᕆᔨᐅᖕᒪᖔᑕ ᐊᓪᓚᕝᕕ

ᑎᑎᖅᑲᕐᓂᐊᖓ 1000, ᓇᓗᓇᐃᕈᑖ 590

ᐃᖃᓗᐃᑦ, ᓄᓇᕗᑦ

X0A 0H0

ᖃᕆᑕᐅᔭᒃᑯᑦ ᑎᑎᕋᕐᕕᒋᓗᒍ: This email address is being protected from spambots. You need JavaScript enabled to view it.

ᐃᑭᐊᖅᑭᕕᒃ:  www.nu-lsco.ca

ᐅᖃᓚᐅᑎᐅᑉ ᓇᒻᒪᖓ: 1-867-806-8402  ᐊᑭᖃᖏᑐᒃᑯᑦ: 1-877-806-8402 ᓱᒃᑲᔪᒃᑯᑦ: 1-867-975-6367